في كتاب بعنوان حديث الروح؟.. العنوان دا يمكن يكون اتعمل لينا وإحنا قاعدين جنب بعض بنتفرّج على فيلم، مش بنتكلّم، بس روحينا مش بيبطلوا رغي.
***
اسوأ اللحظات شعوريا بالنسبة لي وأفضلها، لمّا بصحى وأنا عندي حنين فظيع ليكِ، هو الحقيقة دا بيحصل بشكل يومي، ببقى زعلان جداً إنّي نفسي تبقي جنبي، وببقى فرحان عشان بحس إنّي ماليش غيرك.
***
مقبلين على مرحلة صعبة، تجهيزات وحاجات، بس أنا واثق إن شاء الله إن ربنا حيفرجها وحتعدي، تخيلي إنّي مش فاكر فعلاً تفاصيل ما قبل ما أتقدّم لكم، فاكر التفاصيل اللي ما بينا، بس مش فاكر قوي همّا هنا كان ايه الاعتراضات أو عندك والحاجات اللي دايماً بتاخد وقت وتضايق دي.
***
وراء كل رجل عظيم امرأة عظيمة بتعمل له سيرش.
***
بحب الوقت اللي بتضحكي فيه من غير انقطاع، لمّا أقول قفشة سافلة، أو نحكي موقف يضحّك، بحس كل وشّك بيتألق، العين والنغازتين والبق.
أنا بحب تعبيرات وشّك في العموم
***
أنا من ضمن أسباب أمنياتي بالجواز، عشان محسش بالقلق، يمكن التوتر اللي ظهر في شخصيتي الفترة الأخيرة، بسبب السفر رايح جاي، وعدم الاستقرار، إنتِ السكن من الآخر، والقرآن فعلاً لمّا قال عن المرأة لتسكنوا إليها، كان لفظ بليغ بشكل حلو قوي.
***
بالمناسبة، لمّا بقولك إنّك بتحلوي مش ببقى اللي هو زي العيال اللي بتقول كلام وخلاص، إنتِ فعلاً بتحلوي، من برة ومن جوّا، يمكن عشان بحبّك فبشوفك أحلى واحدة في الدنيا، بس هو الأكيد إن الحب بيدي الواحد طاقة نور، بيخلّيه أجمل ما خلق ربنا.
***
اسوأ اللحظات شعوريا بالنسبة لي وأفضلها، لمّا بصحى وأنا عندي حنين فظيع ليكِ، هو الحقيقة دا بيحصل بشكل يومي، ببقى زعلان جداً إنّي نفسي تبقي جنبي، وببقى فرحان عشان بحس إنّي ماليش غيرك.
***
مقبلين على مرحلة صعبة، تجهيزات وحاجات، بس أنا واثق إن شاء الله إن ربنا حيفرجها وحتعدي، تخيلي إنّي مش فاكر فعلاً تفاصيل ما قبل ما أتقدّم لكم، فاكر التفاصيل اللي ما بينا، بس مش فاكر قوي همّا هنا كان ايه الاعتراضات أو عندك والحاجات اللي دايماً بتاخد وقت وتضايق دي.
***
وراء كل رجل عظيم امرأة عظيمة بتعمل له سيرش.
***
بحب الوقت اللي بتضحكي فيه من غير انقطاع، لمّا أقول قفشة سافلة، أو نحكي موقف يضحّك، بحس كل وشّك بيتألق، العين والنغازتين والبق.
أنا بحب تعبيرات وشّك في العموم
***
أنا من ضمن أسباب أمنياتي بالجواز، عشان محسش بالقلق، يمكن التوتر اللي ظهر في شخصيتي الفترة الأخيرة، بسبب السفر رايح جاي، وعدم الاستقرار، إنتِ السكن من الآخر، والقرآن فعلاً لمّا قال عن المرأة لتسكنوا إليها، كان لفظ بليغ بشكل حلو قوي.
***
بالمناسبة، لمّا بقولك إنّك بتحلوي مش ببقى اللي هو زي العيال اللي بتقول كلام وخلاص، إنتِ فعلاً بتحلوي، من برة ومن جوّا، يمكن عشان بحبّك فبشوفك أحلى واحدة في الدنيا، بس هو الأكيد إن الحب بيدي الواحد طاقة نور، بيخلّيه أجمل ما خلق ربنا.
