أنا صاحي إنهارده حزين، وعليا كتابة مكنش ليّا نفس أكتب. مش عارف الواحد من اللي بيشوفه بقى عنده قابلية أكتر للحزن، ولاّ المفروض يبذل مجهود أكتر عشان يبقى سعيد، الخلاصة إنّي صحيت بدري، حلمت بكوابيس، شفت ناس بكرههم في الحلم، وصحيت نفسي ضيق، كأني طلعت عمارة من غير أسانسير. عندي حالة خمول فظيعة، حاسس بورطة إنّي لبست نفسي في مواعيد، كان نفسي فعلاً أرتاح وأستمتع بعدم فعل شيء لمدة. أنا بكون أسهل لاستقبال الحزن وهبة مش موجودة، يلا إحنا مش كبار على الحياة عشان تلهو بينا.
انا كمان صاحية زعلانة لما لقيت صوتك قافل و لما ملقيتكش عملت حاجة
ردحذفكاني ظبطت موجة المود بتاعي عليك و لما انت تبقى مقفل انا كمان بقفل ،بس انا زعلانة انك بقيت اكتر استقبال للحزن من اي وقت ،بس انا مش عاوزة نتقابل و احنا زعلانين عشان منكدكش عليك
على فكرة انا زعلت انهاردة منك لما قلتلتلك اني بعمل السمبوسك و انت معلقتش ،اتضايقت من اني محستش انك عملت اي ردة فعل على دة ،بس انا مرضتش اسرح و افكر كتير علشان متضايقش خالص و نفسي انت كمان تبطل تعمل دة
احنا عايشين في دنيا مقرفة كوننا بنحب بعض في الجو دة معجزة .